Dy gratë socialiste të cilat në zgjedhjet e 11 Majit arritën që të marrin mandatin e deputetit kanë dhënë dorëheqje nga postet e tyre aktuale.
Sipas vendimeve të qeverisë mësohet se dy zv. ministret e qeverisë shqiptare, Romina Kuko dhe Ilva Gjuzi, kanë dhënë zyrtarisht dorëheqjen nga funksionet e tyre, kjo si rrjedhojë e një procesi rutinë pasi do të jenë pjesë e legjislacionit të ri Parlamentar.
Romina Kuko, e cila prej tetorit të vitit 2017 mbante postin e zv. ministres së Brendshme, që prej shtatorit do të jetë pjesë e Kuvendit të ri.
Në zgjedhjet e 11 Majit, Kuko u vendos në listën e sigurt të Partisë Socialiste në qarkun e Korçës, aty ku dhe të majtët korën një fitore spektakolare duke arritur që të sigurojnë 6 mandate.
Ndërkohë, nga ana tjetër, Ilva Gjuzi e cila prej shtatorit të vitit të kaluar mbante postin e zv.ministres së Turizmit, në zgjedhjet e 11 Majit u vendos në listën e sigurt në Qarkun e Tiranës.
Discussion about this post