Një lajm fantastik për futbollin shqiptar e veçanërisht për dy klube të Superiores. Mësohet se Egnatia dhe Partizani do të organizojnë dy miqësore luksi në muajin gusht.
Sipas informacioneve, Egnatia, pasi mbylli aventurën evropiane (u eleminua nga penalltitë kundër Ararat) po përgatitet të zhvillojë një ndeshje miqësote kundër Interit të Kristjan Asllanit.
Bëhet fjalë për datën 13 gusht, ku klubet kanë rënë parimisht dakord për të luajtur në Ferrara.
Një ndeshje luksi, por edhe vitrinë për lojtarët rrogozhinas që kanë mundësi të japin maksimumin e tyre për të rënë edhe në sytë e europianëve.
Nga ana tjetër, Partizani do të luaj kundër klubi të madh anglez, Chelsea. Mësohet se Igli Tare, që tanimë dihet se është pranë klubit të Partizanit duke bashkëpunuar në rrugë jo zyrtare, ka takuar presidentin e bluve të Londrës, Todd Bohlin në Palace.
Veç bisedimeve në aspektin personal profesional, raportohet se ka pasur edhe një propozim për një miqësore me kampionët e Shqipërisë. Duhet theksuar se ende s’ka diçka zyrtare. Megjithatë nëse do të ketë një dakordësi mes palëve, edhe pse nuk është i grumbulluar në turneun Amerikan,, nuk është çudi që Armando Brojën të mund ta shohim në fushë ndaj të kuqve.
Discussion about this post