Chelsea ka fituar me rezultatin 3-1 ndeshjen e sotme ndaj Aston Villa dhe tashmë janë në vendin e tretë me pikë të barabarta me Liverpool, që ka një ndeshje për të luajtur.
Blotë e Londrës u gjendën fillimisht në disavantazh, pasi Reece James shënoi në portën e tij.
Jorginho barazoi rezultatin me një penallti, ndërsa ajo që ra në sy ishte rikthimi i Romelo Lukakut. Belgu u fut si zëvendësues në pjesën e dytë dhe shënoi në minutën e 56-të.
Ishte sërish Jorginho që mendoi për t’i dhënë avantazhin përfundimtar skuadrës së tij, kur shënoi sërish me penallti të fituar nga Lukaku në minutat shtesë.
Me këtë humbje Aston Villa gjendet në vendin e 10-të me 22 pikë, ndërsa në këtë ndeshje ka munguar trajneri Steven Gerrard, i cili rezultoi pozitiv me Covid-19.
Discussion about this post