Shkarkohet drejtori i zjarrfikëses në Gjirokastër, Kujtim Bizhga pas ngjarjes së rëndë ku dy persona humbën jetën nga zjarri.
Mësohet se Bizhga është zëvendësuar nga Pëllumb Shalari, ndërsa ai vetë ka qenë drejtor i zjarrëfikëses që nga viti 2015.
Shkarkimi i tij vjen si pasojë e performancës së ulët në punë, ku çifti i bashkëshortëve Haxhiaj humbën jetën në përpjekje për të shuar flakët që kishin pushtuar banesën e tyre.
Prej disa ditësh në vendin tonë vijon të jetë problematike situata me zjarret, ku jo pak herë kanë qenë në rrezik dhe jetët e qytetarëve.
