(Emrat) Dy plagosje me thikë, në Vlorë dhe Sarandë/ Një 23-vjeçar dërgohet në spital

Pasditen e së martës, në fshatin Kotë të Vlorës është regjistruar një plagosje me mjete prerëse pas një sherri mes disa personave.

Sipas njoftimit të policisë një 22-vjeçar ka goditur me mjet prerës një tjetër shtetas 23-vjeçar i cili është dërguar në spital. Ende nuk dihet shkaku i ngjarjes së rëndë.

Autoritetet kanë nisur hetimet për të zbardhur rrethanat e ngjarjes dhe për të identifikuar personat e involvuar.

Njoftimi i Policisë

Vlorë/Informacion paraprak

Sot, në fshatin Kotë, dyshohet se gjatë një konflikti për motive të dobëta, shtetasi E. H., rreth 22 vjeç, ka plagosur me mjet prerës (thikë) shtetasin K. Sh., 23 vjeç, i cili ndodhet nën kujdesin e mjekëve.

Shërbimet e Policisë kanë shkuar menjëherë në vendngjarje dhe vijojnë krehjen e zonës për kapjen e autorit të dyshuar.

Grupi hetimor vijon punën për zbardhjen e plotë të rrethanave të ngjarjes.

Një tjetër incident i rëndë është regjistruar në Sarandë, ku një person është plagosur me thikë.

Ngjarja ndodhi rreth orës 19:10 në lagjen nr. 1, gjatë një konflikti të çastit për motive të dobëta. Shtetasi Denito Ruci dyshohet se ka plagosur 38-vjeçarin Mariglen Duro., i cili aktualisht ndodhet në spital, jashtë rrezikut për jetën.

Policia është në vendngjarje dhe po kryen një krehje të zonës për kapjen e autorit të dyshuar, ndërsa grupi hetimor është angazhuar për të zbardhur plotësisht rrethanat e ngjarjes.

gijotina.com/