Gjatë paradites së sotme është mbledhur task-forca e turizmit në Vlorë, me pjesëmarrjen e të gjitha institucioneve, të cilat do të angazhohen këtë sezon turistik.
Mbledhja e task-forcës u drejtua nga prefekti i qarkut të Vlorës, Flamur Mamaj, i cili për përfaqësuesit e institucioneve ndau dy detyrat kryesore për ta, porosi nga kryeministri Edi Rama. Këto detyra kanë të bëjnë me stacionet e plazheve dhe pastërtinë e tyre.
Mamaj ju la gjithashtu detyrë institucioneve, që duke filluar nga java e ardhshme çdo institucion i angazhuar në sektorin turistik duhet të bëjë një raport në prefekturë të detyrave që institucioni ka plotësuar në përmirësim të kushteve të sezonit turistik
Task-forca e turizmit hap kështu siparin e sezonit turistik në Vlorë, si një mbledhje e cila përcakton masat që duhen marrë për përmirësimin e kushteve dhe ofrimin e shërbimeve cilësore në këtë sektor.
