Dy presidentët do përurojnë bustin e Nënë Terezës

Presidentja e Kosovës, Vjosa Osmani bashkë me homologun e saj të Maqedonisë së Veriut Stevo Pendarovski do të përurojnë bustin e Nënë Terezës në Ambasadën kosovare në Shkup.

Lajmin e bëri të ditur ambasada kosovare në platformën X, duke treguar se dy presidentët do të jenë të pranishëm.

https://twitter.com/KosovoinSkopje/status/1700503034508239350?ref_src=twsrc%5Etfw%7Ctwcamp%5Etweetembed%7Ctwterm%5E1700503034508239350%7Ctwgr%5E15a4a4c34fedac95a587cffa3e3de79132141909%7Ctwcon%5Es1_&ref_url=https%3A%2F%2Fwww.gazetaexpress.com%2Fosmani-bashke-me-pendarovskin-do-te-perurojne-bustin-e-nene-terezes-ne-ambasaden-e-kosoves-ne-shkup%2F

“Bëhuni gati për një moment të jashtëzakonshëm! Jemi të emocionuar të njoftojmë se në prani të krerëve të shteteve do të përurojmë së shpejti bustin e Nënë Terezës në Ambasadën e Kosovës. Kjo ngjarje monumentale do të festojë përgjithmonë trashëgiminë e saj të thellë”.

Ambasada nuk ka dhënë detaje të tjera, por tha se këtë do ta bëjë së shpejti.

Më 26 gusht u shënua 112 vjetori i Shën Nënë Terezës dhe gjashtëvjetori i shenjtërimit të saj.

Nobelistja shqiptare Gonxhe Bojaxhiu – Nëna Terezë ka lindur më 26 gusht 1910 në Shkup, atëherë pjesë e Vilajetit të Kosovës në Perandorinë Osmane.

Pasi kishte jetuar në Maqedoninë e Veriut për tetëmbëdhjetë vjet, ajo u shpërngul në Irlandë dhe më pas në Indi, ku jetoi pjesën më të madhe të jetës së saj./Express/