Është zyrtarizuar lista e Kombëtares për ndeshjet kualifikuese për ndeshjet e Botërorit ‘Qatar 2022’, të cilat do zhvillohen në shtator dhe kuqezinjtë do kenë përballë Poloninë, San Marinon dhe Hungarinë.
Në atë listë janë vënë re mungesat e disa lojtarëve që po shkëlqejnë me skuadrat e tyre në Europë. Dy ndër ta janë Valon Et’hemi dhe Kristi Qose.
Qose, i zhdukur nga listat kuqezi që pas 45 minutave të tmerrshme me Francën është duke kaluar një periudhë shumë të mirë me skuadrën e Kravinës në Çeki. Në takimin e ekipit të tij me Slavia Pragën, e cila u mbyll me barazimin 3-3, shqiptari asistoi golin e parë të skuadrës së tij.
Ndërsa Et’hemi ka qenë protagonist në fitoren 3-0 të skuadrës së Istanbulspor ndaj Altinordu. Et’hemi dha dy asiste gjatë kësaj sfide, për dy golat e parë, duke siguruar që skuadra e tij të merrte fitoren e parë në këtë kampionat.
Megjithatë trajneri i Kombëtares Edoardo Reja duket se nuk ka arritur të shohë gjendjen e dy lojtarëve dhe nuk e ka parë të arsyeshme që t’i grumbullojë./Gijotina.com
