Specialistët për Hetimin e Krimit Ekonomik dhe Financiar kanë arrestuar 37-vjeçarin M.S., shtetas maroken, pasi në Portin e Durrësit tentoi të kalojë kufirin me dokumente të falsifikuara.
Gjithashtu në uniformat blu kanë arrestuar 42-vjeçarin A.I., pasi në aksin rrugor në Fushë-Krujë –Ura e Gjolës ka përplasur 61-vjeçaren F.S., e cila ndodhet në kujdesin e mjekëve.
Sakaq mëngjesin e sotëm në lagjen nr.13 në Durrës në një banesë të pabanuar ka marrë flakë një kabllo elektrike.
Sipas policisë një 43-vjeçar me inicialet H.D., është djegur në këmbë i cili pasi ka marrë ndihmë mjekësore është në gjendje të mirë shëndetësore. Ndërsa grupi hetimor po punon për përcaktimin e shkakut të zjarrit.
Informacion-Arrestohen në flagrancë 2 shtetas, për vepra të ndryshme penale.
Specialistët për Hetimin e Krimit Ekonomik dhe Financiar arrestuan në flagrancë shtetasin maroken M. S., 37 vjeç, pasi në PKK Port Durrës, ka tentuar të kalojë kufirin me dokumente të dyshuara si të falsifikuara.
Specialistët e Qarkullimit Rrugor në Drejtorinë Vendore të Policisë Durrës arrestuan në flagrancë shtetasin A. I., 42 vjeç, banues në Tiranë, pasi në aksin rrugor Fushë Krujë-Ura e Gjolës, duke drejtuar mjetin tip “Volkswagen”, ka aksidentuar shtetasen F. S., 61 vjeçe, banuese në Fushë Krujë, e cila ndodhet nën kujdesin e mjekëve.
Më datë 01.07.2021, rreth orës 04:25, në lagjen nr. 13, Plazh, Durrës, në një banesë të pabanuar, ka marrë flakë një kabllo elektrike dhe si pasojë është djegur në këmbë shtetasi H. D., 43 vjeç, i cili pas ndihmës mjekësore ndodhet në gjendje të mirë shëndetësore.
Grupi hetimor po punon për përcaktimin e shkakut të zjarrit.
