Dy vëllezër që shisnin kanabis pranë shkollave janë identifikuar nga policia dhe njëri prej tyre është vënë në pranga ndërsa tjetri është ende në kërkim.
Mësohet se është arrestuar shtetasi Jurxhin Sada, ndërsa mbetet në kërkim Andi Sada.
Sipas uniformave blu, një nga vëllezërit Sada sapo ka parë Policinë është vënë re të ketë hedhur nga mjeti një sasi kanabisi.
23-vjeçari Jurgjin Sada teksa po drejtonte një automjet tip “Benz”, ka parë automjetin e policisë dhe ka hedhur nga xhami i makinës një sasi kanabisi të ndarë në doza gati për shitje dhe një përforcues grushti. Policia ka qenë në ndjekje derisa është bërë e mundur ndalimi dhe arrestimi i tij.
Gjithashtu, gjatë kontrollit në banesën e këtij shtetasi, është gjetur një tjetër sasi lënde narkotike kanabis, e ndarë në doza të gatshme për shitje (gjithsej 174 doza), 47 fara kanabisi, 1 radio marrëse-dhënëse, 1 rrip multifunksional, 1 jelek si të Policisë, si dhe 2 shkopinj metalik, 1 mjet prerës (thikë) dhe 1 krehër kallashnikovi me 25 fishekë.
Sendet u sekuestruan në cilësinë e provës materiale, së bashku me dozat dhe me përforcuesin e grushtit, që u gjetën në momentin e ndalimit, celularin e të arrestuarit dhe me automjetin tip “Benz”, që përdorej për shpërndarjen e dozave të kanabisit.
Nga hetimet ka rezultuar se shtetasi J. S. Shiste kanabis së bashku me vëllain e tij A.S 22 vjeç, i cili është në kërkim dhe po punohet për kapjen e tij.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
Discussion about this post