Gjithçka në fund mbase do të varet nga Scudetto. Mes Milan dhe Interit sfida është shtrirë nga fusha e lojës në merkato. Shkaku i kësaj është Paulo Dybala, i cili në fund të sezonit del lojtarë i lirë, pasi do të largohet nga Juventusi me palët që nuk gjetën gjuhën e përbashkët për rinovimin e kontratës.
Argjentinasi pëlqehet shumë nga dy klubet milanezë, të cilat kërkojnë transferimin e Dybalas. Ajo që duhet zgjidhur është nyja e pagës që lojtari kërkon. Joya do të donte mbi 7.5 milionë euro në sezon, plus bonuse që do të shkonin rreth 10 milionë në sezon.
Është e vështirë të mendosh se në këto kushte Milan apo Interi mund tentojnë me të vërtetë goditjen, jo për shkak të ndikimit në rritjen e pagave, që në të dyja rastet do të lehtësohet me largimet (Kessie dhe Romagnoli në njërën anë, Sanchez dhe Vidal në tjetër), sa i përket nevojës për të mos prishur ekuilibrin në dhomat e zhveshjes përkatëse, me pakënaqësi të parashikueshme në rast të tejkalimit të tavanit të vendosur nga klubet në zërin e pagave.
Fakti është se në Milano flitet shumë për Dybalan , me thashetheme që ndjekin njëri-tjetrin dhe mohojnë njëri-tjetrin, duke vënë përpara Interin një ditë dhe Milanin ditën tjetër, njësoj si të mos mjaftonte dueli i gjatë në fushë e lojës për garën e Scudettos.
Ndërkohë javën e ardhshme agjenti i argjentinasit pritet në të zbarkojë në Itali sipas mediave italiane. Do të jetë vetëm faza e dytë e një gare që pritet të përfundojë një ditë pas dhënies së Scudettos, me një zgjedhje që duhet bërë mes Interit dhe Milanit, të cilët edhe mund të “kërcënohen” nga oferta të tjera që mund të vijnë për argjentinasin nga skuadra të tjera jashtë Seria A.
Discussion about this post