Paulo Dybala është një nga lojtarët kryesore të Roma dhe tek Argjentina. Sulmuesi për fat të keq ka pësuar një dëmtim gjatë ndeshjes së verdhekuqtë e fituan ndaj Lecces me shifrat 2-1.
Argjentinasi ishte lojtari që i dhuroi fitoren skuadrës, teksa shënoi nga penalltia, por nuk do të festonte gjatë, pasi ish-ylli i Juventusit do të pësonte një tërheqje muskulore.
Sot ka dalë përgjigja e rezonancës së 28-vjeçarit argjentinas, i cili ka pësuar një tërheqje të muskulit të kofshës së majtë, dëmtim që do e mbajë jashtë fushave nga 4 deri në 6 javë.
Roma pritet ta ketë sërish në dispozicion në vitin 2023, teksa argjentinasi shpreson të rikuperohet në kohë për Kupën e Botës Katar 2022, që do të zhvillohet në periudhën 20 nëntor-18 dhjetor.
Rasti më i mirë konsiston në rikthimin e sulmuesit pas një muaji, opsion që do i rriste shanset për të luajtur në Botëror, por qëndrimi jashtë rreth 6 javë do ndikonte që të humbiste pjesëmarrjen me Argjentinën e tij në kompeticionin më të rëndësishëm të futbollit.
Discussion about this post