Sulmuesi i Juventus është rikthyer në Torino pasi pësoi një dëmtim në fitoren 1-0 të Argjentinës ndaj Uruguait, por me barazimin ndaj Brazilit disa ditë më vonë, kombëtarja e tij siguroi një vend në Katar 2022.
Dybala ka negociuar të ardhmen e tij të afërt me ‘Zonjën e Vjetër’ muajt e fundit dhe raportet në Itali thonë se ai është në prag të finalizimit të një rinovimi me klubin.
Dybala së fundmi po kryen bisedime me zonjën e vjetër rreth rinovimit të tij me klubin, por në deklaratën e tij të fundit, ai nuk ka hedhur dritë mbi këtë çështje, por vetëm ka folur mbi pritshmëritë e tij në të ardhmen, duke thënë:
“Te Juventus unë po luaj sezonin tim të shtatë dhe kam fituar vërtet shumë me këtë skuadër. Jam shumë i lumtur që kam shënuar mbi 100 gola, por kam ende shumë për të dhënë për këtë ekip.”
Dhe i pyetur rreth prioriteteve të të ardhmes, Dybala komenton: “Ëndërroj të fitoj Kupën e Botës, po aq shumë sa dua të fitoj Champions League. Punoj çdo ditë shumë që të arrij rezultate të mira. Gjithmonë shoh nga e ardhmja dhe mendoj vetëm si të shënoj gola, të jem një lojtar i suksesshëm për Juventusin dhe për veten time,” komentoi Dybala
Discussion about this post