Sekretari i përgjithshëm i PD, Gazmend Bardhi ka reaguar pas përpjekjeve të dështuara të mbështetësve të ish-kryeministrit Sali Berisha për tu futur në selinë blu.
Bardhi tha se dyert e PD janë të mbyllura pasi po kryhen punime në seli, ndërsa shtoi se selia është e hapur për demokratët dhe jo “trafikantët të drogës” që sipas tij kanë mbështetur Berishën.
“Në godinën e PD në ambientet e brendshme të saj janë duke u kryer punime, ky është një fakt i njohur publik nuk kanë përse të vijnë të trokasin. Dyert e partisë nuk do të qëndrojnë të mbyllura. Ju do të futeni brenda pasi në selinë po shtohen ambientet e punës dhe koha e llafeve ka mbaruar në 18 dhjetor. Ata kanë betejën për karrige ndërsa institucionet e partisë janë në betejë për regjimin e Edi Ramës, selia është e hapur për çdo demokrat dhe do të jetë e mbyllur për çdo trafikant të drogës që ka qenë në krah të Sali Berishës dhe mbështetësve të tij. Ka ardhur dhe kanë trokitur në derë pa njoftuar. Është e lejuar të futet çdo deputet në selinë e PD por i pa shoqëruar nga elementë kriminale”, tha Bardhi.
Më herët, Noka dhe mbështetës të tjetër të Berishës, tentuan sërish ditën e sotme të futeshin në selinë e PD, por pa sukses pasi dyert ishin të mbyllura.
Discussion about this post