Autoriteti i Konkurrencës i ka dalë kundër Drejtorisë së Përgjithshme të Shërbimeve të Transportit në lidhje më dyfishimin e çmimit të patentës. Një javë më parë kreu i DPSHTRR, Bledi Gonxhja, ka njoftuar se DPSHTRR ka nënshkruar një marrëveshje me përfaqësinë e autoshkollave dhe në mars çmimi i patentës do të shkojë në 850 mijë lekë.
Në deklarata të ndryshme për media Gonxhja u justifikua duke thënë se do të rritet përgjegjshmëria dhe seancat në praktikë. Madje ka deklaruar se me rritjen e kostos do të eliminohet evazioni fiskal në këtë sektor.
“LAJM I GABUAR! Lajmi është: FUND FIKTIVITETIT në Autoshkolla! Zbatim rigoroz i programit të formimit për Leje Drejtimi! Fund lojës me Sigurinë Rrugore! Fund zhvlerësimit të profesionistëve dhe degradimit të tregut të Autoshkollave! As rritet e as dyfishohet çmimi i patentës! Eliminohet evazioni fiskal dhe informaliteti në sektorin e Autoshkollave!
Nuk rritet asnjë tarifë publike që lidhet me shërbimin dhe lëshimin e Leje Drejtimit! Goditet fenomeni i sekserëve që kapin kursantë për ti përdorur Autoshkollat si Nipte apo sa për letra, pa u kryer procesi mësimor, duke iu shmangur kurseve në teori e praktikë, në këmbim të një pagese të ulët por të parregullt! Luftohet konkurrenca e pandershme dhe paligjshmëria”, deklaroi në 17 shkurt Gonxhja.
Ankesa të shumta pati nga ekspert, qytetarët dhe vetë autoshkollat. Për këtë Autoriteti i Konkurrencës nisi një hetim.
Dhe ditën e sotëm Komisioni ka marrë masa të përkohshme që ky vendim të mosaplikohet. Komisioni shprehet se rritja e çmimit mund të cenojë konkurrencën e drejtë mes autoshkollave në treg.
“Ka rrezik eminent të sjellë një dëm të rëndë dhe të pariparueshëm për konkurrencën në ofrimin e këtyre shërbimeve, duke reduktuar seriozisht përfitimet që tregjet konkurruese ofrojnë për konsumatorët”, thuhet në vendim. Duke treguar abuzimet që po kërkon të båj DPSHTRR me patentat, aps aferave me kolaudimin.
Vendimi i Plotë:
Lexo edhe: Dyfishohet çmimi i patentës, ja sa do kushtojë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post