Jemi në kulmin e sezonit turistik, ku fluksi i pushuesve në zonat bregdetare shkakton problematika të ndryshme, veçanërisht në qarkullimin e mjeteve. Së fundmi një situatë e tmerrshme trafiku është krijuar këtë pasdite në autostradën Vorë-Durrës. Siç duket në pamjet e siguruara (shiko këtu) , një varg i gjatë makinash ka mbetur i bllokuar në trafik prej disa minutash. Por në të njëjtin aks, raportohet të ketë ndodhur një aksident, si shkak i trafikut.
Ky aks mbetet problematik veçanërisht gjatë fundjavave pasi pushuesit i drejtohen Gjirit të Lalëzit ose qytetit bregdetar të Durrësit. Pavarësisht masave të marra nga policia rrugore, qytetarët detyrohen të presin në të shumtën e rasteve për orë të tëra në makinë.
Discussion about this post