Një zjarr i përmasave të mëdha ka rënë në një dyqan në lagjen “Iliria” në qytetin e Durrësit mbrëmjen që lamë pas. Zjarri ra në një servis televizorësh rreth orës dy të natës. Është dashur ndërhyrja e katër mjeteve të zjarrfikëses me 12 efektivë për të shuar flakët e zjarrit, pas tre orësh “luftë” me të.
Mësohet se pronari i dyqanit ka pësuar lëndime dhe djegie në trup dhe ndodhet në spitalin e Traumës. Shkaku i zjarrit paraprakisht dyshohet të jetë bërë një shkëndijë elektrike nga rrjeti brenda dyqanit.
Nuk dihet ende se si është gjendja e personit të lënduar e nëse a pasur persona të tjerë që kanë marrë plagë nga flakët e zjarrit.
Discussion about this post