Dyshime për të shtëna me armë në Lezhë – Detajet e para

Dyshime për të shtëna me armë zjarri në Lezhë para një aksidenti rrugor të ndodhur mbrëmjen e sotme.

Burime policore bëjnë me dije se dy automjete janë përplasur me njëra-tjetrën mbrëmjen e kësaj të premteje në superstradën Lezhë-Milot, pranë Ishull Lezhës.

Nga aksidenti nuk ka persona të lënduar, por vetëm dëme materiale.

Policia ka kryer veprimet hetimore në vendin e ngjarjes, pasi ishin sinjalizuar se personat në bordin e dy automjeteve ishin konfiskuar duke përdorur dhe armë zjarri, por deri tani nuk është arritur të provohet diçka e tillë. Kjo pohohet zyrtarisht dhe nga policia.

“Rreth orës 16:20, në aksin rrugor Tiranë-Lezhë, në Ishull Lezhë, janë aksidentuar automjeti tip “Audi A6” me drejtues shtetasin M. K., 36 vjeç, banues në Lezhë me automjetin tip “Audi Q5″me drejtues shtetasin K. Gj., 24 vjeç, banues në Lezhë, me pasoja vetëm dëme materiale”, njofton policia.

“Shërbimet e Policisë Rrugore po kryejnë veprimet administrative për trajtimin e ngjarjes rrugore si aksident me dëme materiale, ndërsa të dy drejtuesit e automjeteve së bashku me pasagjerët në këto automjete ndodhen të shoqëruar në ambientet e Komisariatit të Policisë Lezhë për sqarimin e plotë të rrethanave të aksidentit”, shtuan të njëjtat burime.