Detaje të reja raportohen mbi krimin e kryer mbrëmjen e djeshme në Kavajë, ku u ekzekutua me plumb në kokë 48-vjeçari Arian Gosa.
Sipas raportimeve, autori i dyshuar i ngjarjes Habib Rexha, 31 vjeç, ishte kthyer në Shqipëri nga Gjermania pak ditë para se të ekzekutonte Gosën.
Policia në një reagim zyrtar lidhur me ngjarjen tha se ajo kishte motiv hakmarrjen, ndërsa vendosi edhe një shpërblim prej 10 mijë euro për informacione që do të çonin në kapjen e tij.
Viktima Arian Gosa është vëllai i Edmond (Armand) Gosës, i cili mbeti i vrarë pas një sherri me Altin (Sali) Rexhën në Kavajë, ngjarje e ndodhur rreth 2 muaj më parë.
Gosa qëlloi me thikë Rexhën dhe ky i fundit iu kundërpërgjigj me armë zjarri. Si pasojë e plagëve të marra humbën jetën të dy.
Discussion about this post