Televizioni shtetëror britanik ka marrë prova që vënë në dyshim rrëfimin e rojes bregdetare greke për mbytjen tragjike të anijes.
Për mbytjen e anijes së emigrantëve në Greqi të mërkurën e kaluar, BBC ka marrë prova që hedhin dyshime në drejtim të rojes bregdetare greke.
Analiza e lëvizjes së anijeve të tjera në zonë tregon se anija e mbipopulluar e peshkimit nuk lëvizi për të paktën shtatë orë përpara se të përmbysej.
Roja bregdetare thotë se anija ishte rrugës për në Itali dhe nuk kishte nevojë për shpëtim.
Të paktën 79 persona janë raportuar për momentin të vdekur, por Kombet e Bashkuara thonë se të paktën 500 janë të zhdukur.
OKB-ja ka bërë thirrje për një hetim mbi trajtimin e katastrofës nga ana e Greqisë. Zyrtarët grekë thonë se emigrantët në bord nuk donin ndihmë, dhe nuk ishin në rrezik deri pak para se anija e tyre të fundosej.
Discussion about this post