Policia vijon marrjen në pyetje të personave të arrestuar në portin e Durrësit për dëmtimin e kontejnerit nga i cili janë marrë 50 arka me banane brenda të cilave dyshohet se fshihej lëndë narkotike.
Te arrestuarit mohojnë akuzat duke deklaruar se sheshi i kontejnerëve monitorohet nga kamerat e sigurisë dhe nëse ato këqyren dalin përgjegjësit.
“Kontrolloni kamerat e sigurisë. Nuk kemi asnjë lidhje me këtë pune. Kush guxon te afrohet ne kontejner ndërkohe qe kamerat monitorojnë gjithçka. S’kemi asnjë lidhje me akuzat e ngritura”, kanë thënë të arrestuarit.
Ndërkohë shoferi ka thënë se nuk ka asnjë përgjegjësi. Pas verifikimeve të para, 20 persona janë arrestuar, 18 prej tyre punonjës së sigurisë në port si dhe shoferi dhe një punonjës i kompanisë që priste ngarkesën me banane.
Të arrestuarit janë Jurgen Gjeçi, Armand Murataj, Gentian Halili, Azgan Zeka, Skender Plaku, Adi Qevanaj, Kastriot Duçka, Mentor Dyrmishi, Klaudio Lala, Shpëtim Hajdin, Andra Xhevara, Adem Brasha, Veiz Kuçi, Rajd Bleta, Ali Bajrami, Gjergj Doraci, Shefqet Elezi, Profit Tola, Altin Mahmutaj, Nazmi Allgjata.
Discussion about this post