Dalin pamjet e aksionit të policisë në hotel “Colombo” në Durrës. Në video shihet se si efektivët nga struktura të ndryshme zbarkojnë brenda biznesit në të cilin dyshohet se ushtrohet aktiviteti i prostitucionit.
Kjo godinë me vlerë 1 milionë euro u konfiskua me vendim të gjykatës së Durrësit, pasi pronari Pëllumb Tuda e ka vënë pasurinë me para të siguruara nga aktiviteti i tij kriminal.
Me urdhër të prokurorisë janë konfiskuar edhe dy pallate në ndërtim. Vlera e tyre në treg arrin në 2 milionë euro.
Pëllumb Tuda ishte vënë në hetim pasuror dhe gjykata thotë se tashmë rezulton e provuar që pasuria e tij është vënë përmes veprimtarive kriminale ku ai ka qenë i përfshirë.
Këto asete ishin vënë në sekuestro preventive dy vite më parë.
51-vjeçari është një emër i njohur për drejtësinë. Tuda ka qenë i dënuar për “Trafikimi i lëndëve narkotike” dhe “Shfrytëzim Prostitucioni”.
Në korrik 2014 ai doli nga burgu me leje dhe plagosi dy persona në Durrës, duke u arrestuar sërish.
Gjithashtu ai u denoncua para 5 viteve nga banakieria në diskon në pronësi të tij sepse ka dashur ta shfrytëzonte për prositucion, dhe kur vajza e kishte refuzuar e kishte rrahur barbarisht. Por hetimi mbi këtë motiv u pushua, pasi vajza tërhoqi dëshmitë.
Discussion about this post