Një kuti shpërndarëse e energjisë elektrike ka filluar të nxjerrë tym në një apartament ne katin e 10 në lagjen “Aqif Pasha” në Elbasan pranë shkollës “Sulë Harri” duke shkaktuar panik te banorët e pallatit.
Kjo ka alarmuar zjarrfikësit të cilët kanë shkuar në vendngjarje me automjete të rënda pasi mendohej për një zjarr, por me mbërritjen e tyre është bërë e mundur ndalimi i tymit si dhe elektricistët po punojnë për gjetjen e defektit
Në apartamentin në fjalë kanë qenë dy persona një i moshuar dhe një grua, të cilët janë jashtë rrezikut për jetën. Gjithashtu, në vendngjarje mbërriti dhe policia e cila nisi hetimet për këtë rast.
Discussion about this post