Mateo Sinanllari, 29 vjeç, u arrestua nga policia greke, ndërsa dyshohet për të paktën 16 vjedhje në zona të ndryshme të Athinës. Ai ishte arrestuar edhe në vitin 2021 po për vjedhje, çka duket se mund ti rëndojë pozitat në rast dënimi nga drejtësia greke.
Sipas raportimeve, Sinanllari hynte në biznese me pretekstin e shpërndarjes së broshurave reklamuese apo shitjes së kuponëve të bamirësisë, vendoste fletëpalosjet, duke mbuluar celularët e punonjësve, paratë ose sende të tjera personale, dhe më pas i grabiste ato.
Duke qenë se viktimat nuk kanë shfaqur interes për përmbajtjen e fletëpalosjeve, 29-vjeçari, pa u vënë re, i ka marrë me mjeshtëri fletëpalosjet, duke hequr njëkohësisht edhe celularët, të cilët kishte arritur t’i mbulonte me to dhe largohej.
Ndonjëherë, duke përfituar nga mungesa e punonjësve për disa minuta, u merrte celularët, paratë dhe sendet e tjera personale.
Discussion about this post