Policia greke është ngritur në këmbë për gjetjen e biznesmenit të njohur George Kyparissis. Biznesmeni është zhdukur në rrethana ende të panjohura, ndërsa policia dyshon se ai është rrëmbyer.
Ka qenë miku i tij ai i cili ka denoncuar në polici zhdukjen e Kyparissis. Biznesmeni, i cili është aktiv në fushën e makinave rezervë dhe ka dhe disa biznese në Menidi dhe Efkarpia të Selanikut, ishte në një tavernë mbrëmë në Liossia kur rreth orës 01:00 të mëngjesit, teksa kthehej në shtëpi në Drafi, u zhduk papritur.
Sipas informacioneve, në zonën e Spatës, janë gjetur makina të djegura që mund të jenë përdorur për rrëmbimin e tij. Deri më tani askush nuk ka kontaktuar me familjen e biznesmenit.
Discussion about this post