Pasditen e sotme ka ndodhur një incident, ku një makinë ka marrë flakë gjatë ecjes për shkak të një defekti në automjet. Ngjarja ka ndodhur në bypass-in e Fierit. Uniformat blu bëjnë me dije se mjeti ishte i tipit “Ford” dhe drejtohej nga shtetasi me inicialet D.M., banues në Tropojë.
“Sot rreth orës 17:30, në bypass_in e Fierit, ka marrë flakë në ecje e sipër automjeti tip “Ford”, me drejtuese shtetasen D. M., banuese në Tropojë.
Paraprakisht dyshohet se zjarri ka rënë si pasojë e një defekti në automjet.
Nuk ka persona të dëmtuar.
Grupi hetimor ndodhet në vendngjarje dhe po punon për zbardhjen e plotë të ngjarjes,” thuhet në njoftimin e policisë.
