Pista kryesore e hetimit për vrasjen e 30- vjeçarit Can Kariçi në Kamëz, është për larje hesapesh me grupe kriminale.
Burime bëjnë me dije se viktima dyshohet të ketë patur një konflikt verbal para se të qëllohej nga autorët të cilët dyshohet se kanë qenë dy.
Nga hetimet e deritanishme, mësohet se njëri prej tyre ka qëlluar me armë drejt viktimës ndërsa tjetri është përfshirë në sherr.
Pas vrasjes trupi i 30- vjeçarit është gjetur në makinën tip “Golf 5”. Autorët janë larguar nga vendi i ngjarjes dhe kanë djegur makinën tip “Audi” në zonën e institutit bashkë me armën e krimit.
Shkaku kryesor për këtë atentat mafioz dyshohet të ketë qenë pikërisht e shkuara e viktimës. Ai njihej si mik i Ervis Martinajt, një nga emrat më të lakuar në ngjarjet e bujshme kriminale të shënuara në vend.
Po ashtu policia po heton rreth faktit se ngjarja e sotme ka lidhje me vrasjen e dyfishtë të ndodhur në muajin nëntor në Astir, ku u vranë Eriges Mihasin dhe Armand Dumani.
Discussion about this post