FBI ka arrestuar një afgan të akuzuar për planifikimin e një sulmi ditën e zgjedhjeve në Shtetet e Bashkuara të Amerikës.
Arrestimi i tij është bërë i ditur nga Departamenti i Drejtësisë.
I arrestuari është Nasir Ahmad Tawhedi, 27 vjeç, banor i Oklahoma City, i cili dyshohet se ka komplotuar dhe ka tentuar të sigurojë mbështetje materiale për ISIS dhe ka marrë armë zjarri dhe municione për të kryer një sulm të dhunshëm në tokën amerikane në emër të ISIS.
Ai dyshohet se ka ndërmarrë hapa për të likuiduar pasuritë e familjes së tij, për të zhvendosur anëtarët e familjes së tij jashtë shtetit, për të blerë pushkë sulmi dhe municion AK-47 dhe për të kryer sulm terrorist në SHBA.
FBI tha se Tawhedi ka punuar me një bashkëpunëtor të paidentifikuar, i cili është një i afërm i mitur dhe gjithashtu një shtetas i Afganistanit.
Ai akuzohet për propagandën e Shtetit Islamik përmes internetit, bazuar në të dhënat e Google.
Discussion about this post