I shumëkërkuari Ervis Martinaj, i cili njihet si një nga personazhet e njohur të krimit në vend ka humbur kontaktet me familjarët dhe ngrihen dyshime se ai mund te jetë gjetur nga rivalët para policisë.
Ka qenë xhaxhi i tij Faik Martinaj ai i cili ka bërë kallëzimin në polici, për zhdukjen e papritur të nipit dhe shkëputjen e kontakteve me të.
Në dëshminë e tij, Faik Martinaj ka theksuar se “killeri” nuk komunikonte me familjarët me telefon por vetëm nëpërmjet personave të tjerë që dyshohet se janë të besuarit e tij.
“Dua të theksoj se që prej kohës që nipi Ervisi është shpallur në kërkim nuk kam patur asnjë kontakt me të drejtpërdrejt apo në telefon, por vetëm nëpërmjet personave të afërm. Ne si familje kemi dyshime se Ervisit mund ti ketë ndodhur diçka e keqe nga grupe kriminale që kërkojnë ta eliminojnë. Ne kemi pritur deri ditën e sotme që mos kemi ndonjë kontakt me nipin Ervisin por nuk kemi arritur të kontaktojmë dhe nuk kemi asnjë lloj informacioni për vendndodhjen edhe gjendjen e tij. Sot në dreke rreth orës 12, të shqetësuar lidhur me gjendjen e nipit Ervisit, kam njoftuar punonjësin e policisë se komisariatit Kurbin Pjetër Tuci për sa thashë më sipër”, thuhet në dëshminë e xhaxhait.
Discussion about this post