Një person dyshohet se ka rënë në kanalin e Ibrit në fshatin Zupç, në Zubin Potok.
Lajmin e ka konfirmuar zëdhënësi i Policisë së Kosovës, Bajram Krasniqi.
Sipas tij, një person me inicialet S.R të shtunën rreth orës 08:40 ka shkuar në polici dhe ka njoftuar se vëllai i tij, P.R të premten rreth orës 17:45 ka dalë nga shtëpia dhe nuk është kthyer.
Krasniqi tha se personi që ka bërë njoftimin dyshon se mos vëllai i tij ka rënë në kanalin e Ibrit.
Krasniqi shprehet se policia ka filluar kontrollimin e zonës dhe në orën 13:20 kanë shkuar edhe tre zhytës, ndërsa që kërkimi po vazhdon.
Discussion about this post