Policia britanike ka arrestuar pak më parë një 36-vjeçar, Koçi Selmaj, me origjinë shqiptare, si një prej të dyshuarve kryesor për vrasjen e mësueses Sabina Nessam 150 metra larg shtëpisë së saj.
Mediat britanike bëjnë me dije se, ai arrestua brenda shtëpisë së tij në Eastbourne, pasi policia e zbuloi adresën e banesës në qytetin bregdetar, përmes targave të makinës. Shqiptari tani është personi i tretë i mbajtur në paraburgim, ndërsa një 41-vjeçar dhe një 38-vjeçar po hetohen në gjendje të lirë.
Fqinjët e shqiptarit të dyshuar për vrasjen e vajzës së re, thanë se nuk besojnë që ai të ketë kryer një veprim të tillë seishte gjithmonë një njeri qetë.
“Ai është një person shumë i qetë, ai kurrë nuk flet. Shpërndan porositë e ushqimeve me makinën e tij”, tha një fqinj.
“Ai është shqiptar. Unë nuk e kam parë atë për një muaj. Ai hynte në dyqan për të rimbushur telefonin dhe pajisjen elektrike”, tha një tjetër.
Arrestimi i 36-vjeçarit, është bërë pas njoftimit të policisë se pranë vendit ku ndodhi ngjarja e rëndë u pa duke kaluar një automjet, që i përkiste këtij të fundit. Vrasja e rëndë ka ndezur debatin për sigurinë e grave në rrugët e Britanisë. Ajo vjen vetëm gjashtë muaj pas vrasjes së 33 -vjeçares Sarah Everard, që u mor peng dhe u vra nga një oficer policie jashtë detyrës.
E.H/ gijotina.com/
