Ministria e Punëve të Brendshme së bashku me Prokurorinë Themelore Publike Tetovë janë duke ndërmarrë masa për zbardhjen e ngjarjes në fshatin Sllatinë të Tetovës, ku një ditë më parë janë gjetur të vdekura nënë e bijë.
Helmimi, sipas të gjitha gjasave është shkaku I vdekjes së 36-vjecares dhe vajzës së saj të mitur, që dje ishin gjetur në shtëpinë e tyre familjare në Sllatinë të Tetovës.
Këto janë njohuritë e para nga autopsia, njoftojnë nga Prokuroria Publike e Tetovës dhe MPB-ja, duke shtuar se intensivisht po ndërmerren masa për zbardhjen e plotë të rastit.
“Nga trupat e pajetë të viktimave janë marrë mostra për analiza plotësuese toksikologjike me qëllim të konstatimit të shkakut të helmimit. Tek trupat e pajetë nuk janë gjetur gjurma të dhunës. Gjithashtu me urdhër të Prokurorit Publik do të merren edhe mostra të gjakut dhe urinës edhe nga anëtarët tjerë të familjes – babait dhe një fëmiu tjetër, për të kontrolluar prezencën eventuale të toksinave” – thonë nga PTHP – MPB.
“Të gjeturat fillestare nga autopsia e urdhëruar flasin për helmim si shkak të mundshëm të vdekjes së personave, andaj nga të ndjeret janë marrë mostra për analiza shtesë toksikologjike për të përcaktuar shkakun e helmimit. Tek të vdekurit nuk u konstatuan gjurmë të tjera dhune.
Gjithashtu, me urdhër të prokurorit publik do të merren mostra të gjakut dhe urinës edhe nga anëtarët e tjerë të familjes babai dhe një fëmijë tjetër, për të kontrolluar praninë e mundshme të toksinave edhe në to”, theksohet në njoftimin e MPB-së.
Mediat vendase shkruajnë se viktimat janë gjetur nga gjyshja, e cila ka shkuar në cilësinë e mjekes pasi ka marrë një thirrje telefonike për ndihmë në urgjencën e Tetovës. Këto detaje janë bërë të ditura në raportin e policisë së Tetovës.
9-vjecari I cili kishte qenë dëshmitar I dramës familjare, nga spitali është marrë nga shërbimet sociale, kurse babai I tij është liruar nga policia për shkak të organizimit të ceremonisë mortore.
gijotina.com/
Discussion about this post