Dyshohet se vrau dy kushërinj, vetëdorëzohet në polici Daniel Pepaj

Vetëdorëzohet në Polici, Daniel Pepaj, i dyshuari për vrasjen e dy kushërinjve Klement Pepaj dhe Vilson Çutaj.

Pepaj dyshohet se ka vrarë dy kushërinj në Malësinë e Madhe, për shkak të sherreve që kishin për parcela të mbjella me kanabis.

Menjëherë ai pas krimit ka marrë vendimin për t’u larguar nga Shqipëri për të ikur drejt Malit Zi. Nisur nga fakti se Malësi e Madhe është një vend kufitar me Malin e Zi, mund të jetë larguar nga Shqipëria.

Pas ngjarjes, u arrestua babai i Daniel Pepajt, Rrok Pepaj. Ai akuzohet se mund të ketë pasur dijeni për vrasjen e dy djemve, ngjarje për të cilën është shpallur në kërkim i biri dhe e ka fshehur atë dhe për kultivim kanabisi, pasi në parcelën që rezultonte në emrin e tij u gjetën rrënjë hashashi. Përpara trupit gjykues, Rrok Pepaj e mohoi se ka pasur dijeni për këto gjëra duke shtuar se në tokën e tij kishte mbjellë vetëm boronica.

Vilsoni akuzonte Danielin se i kishte vjedhur 50 kg kanabis. Ai kërkoi ndihmën e Klementit për t’u ballafaquar me Danielin, të cilin të dy e rrahën. Pas dhunës, 25-vjeçari pranoi se e kishte marrë ai kanabisin dhe u propozoi që t’u kthente sasinë prej 7 kg që i kishte mbetur.

Kështu, më datë 3 tetor 2020, Olsoni në timon, tre të tjerët pasagjerë, u nisën drejt vendit ku supozohet se Danieli kishte fshehur drogën. Olsoni priti në qendër të fshatit, ndërkohë që tre të rinjtë, u zhdukën për të mos u kthyer më, për pesë ditë me radhë. Danieli e qëlloi Vilsonin me armë zjarri, ndërsa pas tij, nga frika se mos tregonte, vrau edhe Klementin.

Trupi i Vilsoni ishte i bërë shosh nga plumbat. Ndërkohë Klement Pepaj kishte marrë disa plumba në shpinë. Që prej asaj dite ishte në kërkim Daniel Pepaj, autori i dyshuar i kësaj vrasje të dyfishtë.