Policia hungareze ka arrestuar në pranga 60-vjeçarin shqiptar me iniciale N.A dhe djalin e tij.
Babë e bir dyshohet se drejtonin një grup kriminal që kalonte drogë në vendet e Bashkimit Evropës, përmes Kosovës dhe Serbisë.
Sipas policisë, droga që futej në Hungari nga ky grup, dërgohej me korrierë nga Shqipëria dhe Kosova, te tregtarët hungarezë, të cilët më pas e shisnin. Paratë e tyre i merrte djali i shqiptarit ose një grua hungareze që ishte e lidhur ngushte me ta.
Një dërgesë e tyre sillte zakonisht 10 kilogram drogë, kryesisht kanabis.
Anëtarët e bandës, përveç N.A., ishin ndjekur penalisht nga antidroga për vite me radhë.
Gjatë bashkëpunimit me hetuesit serbë, punonjësit e NNI-së morën informacion se N.A. mund të jetë në Hungari. Pastaj, me përfshirjen e disa agjencive partnere, u identifikua vendndodhja e saktë e tij. Kapja e tij u krye nga njësia e operacioneve, pasi u sugjerua se ai mund të kishte armë.
Aksioni u zhvillua mesditën e 10 nëntorit. Punonjësit e TEK e arrestuan atë në distriktin VIII të Budapestit, pastaj hetuesit e NNI kryen kontrolle në të gjitha pronat e lidhura me të dhe kapën të gjitha pajisjet që mund të ishin relevante për rastin.
Pas arrestimit të tij, shqiptari u mor në pyetje si i dyshuar nga NNI, më pas u dërgua në paraburgim penal dhe nisi arrestimin e tij, i cili u urdhërua nga gjykata.
Discussion about this post