Me përmbysje rezultati ka arritur Interi suksesin kundër Sassuolos në javën e shtatë të Serie A.
Sassuolo sezonet e kaluara ka ditur shumë mirë të bëhet pengesë për ekipin zikaltër por këtë herë Inzaghi kishte të gjithë elementët e duhur për ta ndaluar atë.
Të zotët e shtëpisë kaluan të parët në avantazh falë penalltisë së Berardi, me një takim në dukje të vështirë për Inter, por përmbysja e ‘çmendur’ ndoshi në pjesën e dytë.
Dzeko dhe Martinez realizuan gjithçka, me golat në minutat e 58’ dhe 78’ që e kthyen gjithçka në favor të miqve nga Milano.
Inter ishte i aftë deri në fund të administronte këtë rezultat, për të siguruar fitoren që e ngjit përkohësisht në vendin e dytë në renditjen e Serie A, me vetëm 1 pikë pas Napolit kryesues.
