Regjisori Verhoeven ka reaguar për herë të parë pas deklaratave të aktores Sharon Stone. Mediat e huaja raportojnë se Verhoeven i ka hedhur poshtë akuzat e Stone, sa i përket skenave në filmin “Basic Instict”.
Stone gjatë një interviste në muajin mars pretendoi se gjatë filmit ajo u mashtrua për të hequr të brendshmet gjatë skenës në filmin “Basic Instict”, dhe pjesët intime u filmuan pa dijeninë e saj. Por ndryshe nga aktorja regjisori Verhoeven në një intervistë për ‘Variety’ e cilësoi akuzën si të “pakonceptueshme”.
“Versioni i saj është i pamundur. Ajo e dinte saktësisht se çfarë po bënim. Unë i thashë asaj se skena ishte bazuar në historinë e një gruaje që e njihja kur isha student, e cila bënte kryqëzimin e këmbëve pa brekë rregullisht në festa,”– tha ai.
Regjisori në fund theksoi se e respekton performancën e saj në film dhe se ata kanë marrëdhënie të mira.
