Drejtuesi i Acromax, Aldor Nini, në një intervistë që dha per emisionin “Abc e pasdites” foli për tendencën e artistëve shqiptarë për të blerë klikime. Përsa i përket artistëve që kanë marrë pjesë te festivali “Kënga Magjike”, Nini sqaroi se janë shtatë artistë që kanë tentuar të blejnë klikime këtë vit.
Megjithatë, në një tjetër intervistë, ai përmendi Ledri Vulën, Alban Ramosajn dhe Ardit Çunin si ndër artistët që kanë blerë klikime. Kjo ka sjellë reagimin e këtyre të dyve të fundit. Albani reagoi shkurt:“Për aq kohë sa jam lajmi…faleminderit”, duke mos i dhënë shumë rëndësi akuzave kundër tij.
Ndërkohë nga ana tjetër, Arditi ka publikuar një bisedë që duket se është realizuar me drejtuesin e Acromax, ndërsa shkruan: “Besoj se me këtë bisedën dhe me disa të tjera si kjo, është e qartë se pse është përmendur emri im dhe i disa artistëve të tjerë sot. E keni parasysh DHELPRA DHE RRUSHTË.”
Por nuk mjaftoi me kaq. Në një tjetër postim, ai ka publikuar statistikat e Youtube për disa nga këngët e tij. Më pas, ai ka bërë një tjetër reagim drejtuaNinit, duke shkruar se ai “nuk ka qenë kurrë artist i klikimeve” ndërsa këtë e bën si një mënyrë për ta shantazhuar të bashkëpunojë me kompaninë e tij.
Discussion about this post