Është shtyrë sërish seanca e Etleda Çiftes në GJJKKO. Kjo është hera e tre që shtyhet seanca për të, ndërsa herën e fundit u shty për shkak të bojkotit të avokatëve. Mësohet se seanca e radhës do të mbahet me 12 shtator. Shtyrja e seancës është kërkuar nga vetë prokurori i çështjes i cili si shkak kadhënë problemet shëndetësore që ka. Ndërkohë avokati i Etleda Çiftes deklaroi se e vetmja mënyrë për zgjidhjen e kësaj çështje ishte nëpërmjet gjykimit të shkurtuar.
Etleda Çiftja është akuzuar nga SPAK për kryerjen e veprave penale të “Falsifikimit të dokumentit”, në formën e përdorimit, parashikuar nga neni 186 paragrafi i parë i K.Penal, si dhe fshehje pasurie dhe deklarim të rremë. Sipas SPAK, nga hetimet e kryera ka rezultuar e provuar tej dyshimit të arsyeshëm se e pandehura Etleda Çiftja, në deklaratën me numërb14568 indeksi, datë dorëzimi 17.07.2017, ka kryer deklarim të rremë te pasurisë, e konkretisht në lidhje me burimin e blerjes së apartamentit të banimit, te dy parcelave tokë arë me sip. 1450 m2 dhe me sip. 3440 m2, mënyrën e fitimit të pronësisë për dy sipërfaqet e tokave arë si dhe në lidhje me qëllimin e marrjes së një kredie pranë ish-Banka Emporiki – Shqipëri sh.a.
Discussion about this post