Agjenti i Jorginhos është i bindur se ish-mesfushori i Napolit do të ekzekutojë penalltinë e radhës për Italinë dhe zbulon se bisedimet për vazhdimin e kontratës me Chelsean nuk kanë filluar ende.
Jorginho u rendit i treti në ‘Topin e Artë’, pasi u bë kampion evropian për klubin dhe kombëtaren në 2021.
“Jorginho përfundoi pas dy lojtarëve të jashtëzakonshëm si Messi dhe Leëandoëski dhe përpara Ronaldos, Neymarit dhe shumë kampionëve të tjerë. Sigurisht, ai është krenar për atë që ka arritur”, tha Joao Santos për ‘Tuttomercatoweb’.
Megjithatë, ish-mesfushori i Napolit dhe Hellas Verona doli në qendër të skenës për të gjitha arsyet e gabuara gjatë pushimeve të fundit ndërkombëtare duke humbur goditjet vendimtare të penalltisë kundër Zvicrës.
Italianët morën barazime në të dyja ndeshjet kundër zviceranëve dhe do të duhet të kalojnë në ‘play-off’ për t’u kualifikuar në Kupën e Botës 2022 në Katar.
A do të ekzekutojë Jorginho penalltinë e radhës për italianët?
“Unë mendoj kështu. Nëse trajneri beson se Jorginho mund të jetë ende opsioni i parë, atëherë ai do të rritet. Goditja e penalltisë është gjithçka ose asgjë, por çdo ndeshje është një histori e ndryshme, siç mund ta shihni kur ai shënoi kundër Manchester United.” tha Joao Santos.
Kontrata e Jorginhos me gjigantët e Premier League skadon në qershor 2023, por të dy palët nuk janë ende në bisedime për një marrëveshje të re.
“Ende jo, ne kemi një vit e gjysmë të mbetur në kontratën e tij dhe nuk kemi diskutuar ende një marrëveshje të re. Ndoshta, do ta bëjmë në të ardhmen”, përfundoi Joao Santos.
Jorginho bëri debutimin e tij në Itali në mars 2016 nën drejtimin e Antonio Conte në një barazim 1-1 kundër Spanjës. Ai tani ka pesë gola në 42 paraqitje me kombëtaren e vendit të tij./K.T/Gijotina.com
Discussion about this post