Këngëtari i njohur Sabri Fejzullahu gëzon shëndet të plotë dhe një karrierë shumëvjeçare të suksesshme muzikore.
Atë e shohim në koncerte e evenimente martesore, por çuditërisht artisti ka rënë pre disa herë e lajmeve të rreme në lidhje me vdekjen e tij, për të cilin ai ka dy fjalë.
Fejzullahu ka reaguar nëpërmjet një videomesazhi të postuar në profiline tij në “Facebook” në lidhje me portalet që kanë shkruar disa herë se ai ka ndërruar jetë.
Gjatë videos ai tregon se gjendja e tij shëndëtësorë është shumë mirë dhe se punon për projektet e tij muzikore pa pushim. Sipas artistit është hera e katërt brenda tre muajve që portalet shkruajnë lajme të tilla për të. Më pas ai përfundon duke thënë se vetëm Zoti mund të vendosë se kur ai nuk do të jetojë më.
“Përshendetje të gjithë ju që dëgjoni këngët e mia dhe kudo që jeni shqiptarë të nderuar, që ju dua fortë dhe ju çmcoj e ju respektoj. Është hera e katert që brenda tre muajve po shkruhet nëpër portale që unë kam vdekur. Unë jam gjallë jam shëndoshe e mirë, po punoj pa u ndalur, ju dua me gjithë zemër dhe vetëm ai i madhi (Zoti) vendos se kur do të vdes unë. Faleminderit shumë ju dua me shpirt”– u shpreh Sabriu në videomesazh.
Discussion about this post