Ish-futbollisti i famshëm David Beckham qau në homazhet në nder të mbretëreshës së Britanisë së Madhe Elizabet, e cila u nda nga jeta pak ditë më parë.
Ndërkohë ndjekës të shumtë e kanë kritikuar yllin e fushës së blertë për veprimin në fjalë, pasi mendojnë se e bëri për vëmendje.
47-vjeçari thuhet se kishte refuzuar të qëndronte në rradhët e para pranë familjes mbretërore, duke zgjedhur të vendosej në radhë me të tjerët duke pritur për më shumë se 12 orë për momentin e tij për të thënë lamtumirë.
Ish-protagonisti i BBC Breakfast, Dan Walker lavdëroi ish-kapitenin e Anglisë duke postuar në rrjetet sociale: “Veprim i duhur, David Beckham. 12 orë plus me sa duket për të bërë nderimet e tij.” Mirëpo për disa komentues ky gjest i ish-futbollistit nuk është bërë për asgjë tjetër veçse për të marrë vëmendje.
“Duhej të tregonte fytyrën e tij, apo jo, ndonjë shans për t’u ekspozuar,”-shkruante një komentues.
Kjo deklaratë nuk i ka pëlqyer aspak Dan i cili ka reaguar: “Ai ka qenë atje që nga ora 2 e mëngjesit. Nëse do të dëshironte titujt e lajmeve, do të dilte shëtitje.”
Discussion about this post