Si asnjëherë më parë, artisi i njohur Frederik Ndoci ka treguar mbi jetën e tij private dhe mbi periudhën e vështirë që e bija ka kaluar kur ishte e varur nga lëndët narkotike.
Gjatë një interviste në emisionin “Glamour Zone” ai u pyet pas një deklarate që vajza e tij ka pranuar se ka filluar të përdorë lëndë narkotike që në moshën 12-vjeçare. Ai vendosi ta ndante historinë e vështirë të së bijës ku e quajti atë si një nga periudhat më të vështira.
“Ishte një periudhë shumë e keqe e vajzës sime Klea. Duket se e ka ndjerë largimin tim, sepse ishte shumë e lidhur me mua dhe ka parë realitetin në anën tjetër që nuk ishte shumë pozitiv për të dhe më kollaj e kanë ato jetën e vagabondazhit se të të dhurojnë një tufë me lule. Edhe Klea ishte adicction ( e varur nga lëndët narkotike). Shansi ishte që iku nga ky addiction, dhe hapi një emision televiziv,”-tha Frederiku.
Discussion about this post