Ainsley Maitland-Niles, është shumë afër transferimit te skuadra e Romës së Jose Mourinhos, në një marrëveshje fillestare huazimi me mundësi blerjeje.
Trajneri pret blerje të reja në merkaton e janarit dhe mesfushori i Arsenalit pritet të jetë përforcimi i tij i parë.
‘Sky Sport Italia’ raporton se një prej arsyeve kryesore pse Roma e kërkon me ngulm Maitland-Niles është fakti se ai luan në shumë pozita në fushë. Ai mund të luajë si mesfushor qendror, anësor apo mbrojtës i krahut.
Kështu Roma po shpreson ta ketë 24-vjeçarin në dispozicion më 6 janar, kur rifillon sezoni në Serie A pas pushimit dimëror.
‘Verdhekuqtë’ e Italisë do të paguajnë gjysmë milion euro për huazimin e tij dhe mund ta blejë lojtarin e ‘The Gunners’ në fund të sezonit për 10 milionë euro.
Rikujtojmë që ai doli pozitiv në testin për koronavirus javën e kaluar, prandaj nuk do të largohet nga Britania e Madhe derisa të shërohet./K.T/Gijotina.com
Discussion about this post