Klubi i Inter do të ndryshojë pronar dhe në vend të kinezëve tani ‘Zikaltërit’’ do i zotërojnë sauditët e Newcastle.
Ky lajm është bërë publik nga ‘International Business Times’, i cili ka bërë të ditur se në ditët në vijim palët do të nënshkruajnë kontratat për të bërë kalimin e klubit te sheikët.
Më tej shtohet se Fondi i Investimeve Publike të Arabisë Saudite (PIF) është i interesuar që të zgjerojë sa më shumë hartën e pronësive të klubeve në Europë, pasi do të bëhet protagonist kryesor në skenën futbollistike në kontinent. Ndërsa raportohet edhe Suning dhe sheikët e kanë gjetur një akord për shifrën e klubit.
Fondi PIF do të shpenzojë 1 miliard euro për të blerë Inter, i cili vazhdon të humbasë rreth 15 milionë euro në muaj për shkak të problemeve post-Covid dhe për këtë arsye ka nevojë për investitorë, pasi Suning nuk përballon më dot humbjet e mëdha që po pëson.
Ndërsa Andrea Zanon, ekspert finance i cili punon në Lindjen e Mesme dhe ka bashkëpunuar me qeveri të ndryshme atje, Interi do të bëhet superfuqi e futbollit pas këtij ndryshimi të pronësisë.
“Sapo blerja të bëhet publike, Interi do të bëhet skuadra më e fortë në botë. Përveç kësaj, nëpërmjet partneriteteve që mund të krijohen, Italia mund të rifitojë prestigjin futbollistik që ka humbur në vitet e fundit”,-theksoi ai./K.T/Gijotina.com
Discussion about this post