Cristiano Ronaldo nuk po kalon një moment aspak të mirë në karrierën e tij futbollistike. Viti 2022 nuk është viti më i mirë për sulmuesin portugez.
Dhe kjo dëshmohet edhe tek ceremonia e “Topit të Artë”, ku CR7 u rendit i 20-ti në listën e lojtarëve, duke barazuar kështu rekordin më të keq të arritur në 17 vitet e fundit.
Sipas raportimeve të fundit, ka ndodhur diçka që ishte e pamendueshme disa vite më parë, dhe ajo është se askush nuk i dha asnjë votë Cristianos për të fituar Topin e Artë dhe ai përfundoi në vendin e 20-të. Ish-lojtari i Real Madridit as që u mendua për shkak të periudhës që po jeton në ciklin e dytë te Manchester United.
Asnjë votë nuk shkoi për Cristiano Ronaldon. Këtë e ka bërë të ditur revista “L’Equipe” dhe ky është një nga treguesit kryesorë se epokës së CR7 po i vjen fundi, edhe pse ai ka ende shumë për të dëshmuar në Botërorin e ardhshëm në Katar.
Discussion about this post