E dashura e Aleksandër Sadikajt ka bërë reagimin e parë në rrjetet sociale pas ndarjes nga jeta të partnerit të saj, i cili u vra në një atentat me tritol pak ditë më parë në Tiranë. Ajo ka ndarë në rrjetet sociale foto përkrah tij ku shprehet se e ka marrë malli shumë dhe tashmë asgjë në jetë nuk ka më kuptim për të.
“Ah moj beb, kjo botë ishte shumë mizore për ty. Një ëngjëll si ty i duhej zotit lart. Na le me vuajtje dhe pikë në zemër, por mjafton që ti të jesh prerë i qetë në paqe. Vetëm ideja që je pranë Zotit më bën të ndihem mirë se më mirë se ai nuk kujdeset dot askush për ty. Çdo vepër të mirë që ke bërë mbi tokë do ta nxjerr në pah koha dhe drejtësia. Çdo moment i yni më mungon. Ishe njeriu që desha më shumë në këtë botë dhe në botën tjetër. Mezi po pres të të takoj. Nuk jetohet në këtë ferr. Më prit, TE DUA SHUMEEEEEEEEEEEEEEEEEEEE gjysma ime, nuk po të gjej dot se ku je. I kam parë të gjitha vendet ku rrije ti, po ti nuk je më. Më ke ikur larg dhe s’po të arrij dot. Me duket një jetë pa ty. Më ka marr mali cum pël ty bebi. Ti me shikon mua po unë s’të shikoj dot ty. Kjo nuk është e drejtë. Më përqafon me erën, po unë s’të përqafoj dot. Nuk ka asgjë kuptim pa ty. Çdo gjë është gri, s’ka ngjyra. Nuk ka më jetë as gëzim. Nuk ka më asgjë. Ade te bebi ote të jemi pëlgjithmon bashkë siç më kishe plemtual” – shkruan ajo.
Aleksadër Sadikaj u vra në një atentat mafioz me tritol teksa udhëtonte me automjet pranë rrethrrotullimit të Saukut. Partnerja e tij ka dhënë dëshmi para hetuesve që po merren me çështjen e Sadikajt ku ka theksuar se dy netë para ngjarjes së rëndë, ka vënë re diçka të çuditshme në automjet duke u dhënë atyre indicie për të arritur në gjurmët e autorëve.
Discussion about this post