E dehur në timon, AMP arreston efektiven e policisë së Korçës

Agjencia e Mbikqyrjes Policore ka arrestuar një punonjëse policie të komisariatit të Korçës.

Mësohet se punonjësja e policisë me iniciale L.L, ka qenë në gjendje të dehur në timon, kur ka dalë nga rruga dhe është përplasur me një shtyllë,  duke shkaktuar aksident me dëme materiale rreth orës 04:00 të mëngjesit të djeshëm.

Pasi policia mbërriti në vendin e aksidentit për kryerjen e procedurave, rezultoi se punonjësja e policisë (jashtë shërbimit me mjetin në pronësi të saj) ka qenë në gjendje të dehur mbi normat e lejuara.

Në vijim pritet që gjykata të japë masën e sigurisë pas arrestimit të saj.