Një familje në SHBA është ribashkuar me macen e tyre pasi e kishin dërguar aksidentalisht me postë në Kaliforni. Galeana u zhduk nga shtëpia në Utah gjatë këtij muaji. Pas kësaj, familja e saj doli në kërkim për ta gjetur macen e dashur, por pa sukses.
Jo më kot, pasi kishte shkuar qindra kilometra larg, pasi një punonjës i Amazon e gjeti një javë më vonë në një pako të dërguar nga familja. Macja ishte në gjendje të mirë, pavarësisht se nuk kishte pasur ushqim dhe ujë.
“Galeana i do shumë kutitë, është pjesë e personalitetit të saj”, tha pronarja e saj, Carrie Clark sipas asaj që shkruan BBC.
Punëtori i Amazon pasi e kishte gjetur në kuti e kishte çuar tek veterineri macen. Veterineri skanoi mikroçipin e maces dhe dolën detajet e pronares.
Clark tha se kur mori vesh lajmin ishte gjëja më e mahnitshme për të.
“Nuk e besova veterineren herën e parë pasi mendova mos është një “prank””, tha ajo.
Bashkë me të shoqin udhëtuan mbi 1 mijë kilometra për të rimarrë macen e tyre.
“Ishte një ribashkim i mahnitshëm. Galeana ndaloi së dridhuri dhe u qetësua në krahët e mi”, tha ajo.
Fatmirësisht për të, një prej kutive ka qenë e hapur që të mund të merrte ajër.
Ndërsa Clark ka inkurajuar të gjithë që të mbajnë mikroçipë tek kafshët e tyre shtëpiake e të kontrollojnë disa herë kutitë që nisin me postë.
Discussion about this post