Iu deshën vetëm pak minuta që kryeministri Edi Rama të kuptonte që postimi për konkursin me tre çmime që do të zhvillohej në fundvit, do të shkaktonte pakënaqësi të mëdha në rrjet.
Nisur nga situata në të cilën ndodhet vendi, ku borxhi publik ka shkruan në 80% dhe çmimet e produkteve sa vijnë e rriten, ky postim do të ishte një ofendim për qytetarët që presin shpërblime apo pensionistët që “gënjehen” me pensione qesharake.
“Dëshiroj që për vitin e ri të bëjmë një konkurs në këtë faqe me tre çmime. Çmimi Fotografia e Vitit ku do të zgjedhim me votim në këtë faqe tre fotografitë më të pëlqyera mes të gjitha fotografive që ju do të dërgoni në adresën shqipëriaqëduam.al rubrika konkursi2022.Çmimi Videokërkesa ime ku një ekip i posaçëm do të zgjedhë tre kërkesat fituese mes atyre që ju do dërgoni me video për të kërkuar mbështetje për një nismë në dobi të shkollës apo komunitetit tuaj në adresën shqipëriaqëduam.al rubrika konkursi2022.Çmimi Urimi im ku epiku i kësaj faqeje do të zgjedhë tre urime më të veçanta, që ju do të dërgoni me tekst, foto apo vide për Vitin e ri 2022 në adresën shqipëriaqëduam.al rubrika konkursi 2022. Çmimet do të shpërndahen me një aktivitet të posaçëm me 100 miq të ftuar nga pjesëmarrësit në Konkursin e vitit të ri 2022” njoftoi Rama.
Nuk dihet nëse postimi u fshi nga komentet negative në Facebook, apo stafi i komunikimit të kryeministrit e kuptoi gabimin që po bënin, por ndërsa vendin zhytet në krizë, Rama vërtetoi dhe një herë që i intereson vetëm show mediatik.
Discussion about this post