Raportimet nga Afganistani bëhen çdo ditë e më të rënda, me humbjet e jetëve që sa vijnë e shtohen nga sulmet e talebanëve.
Së fundi mësohet se një nga personat që ka humbur jetën, ndërsa ka qenë duke u larguar prej Afganistanit është lojtari i Kombëtares së futbollit Zaki Anwari.
19-vjeçari vdiq në rrotën avionit në përpjekje e dëshpëruar për t’u larguar nga regjimi taleban raportojnë mediat ndërkombëtare.
“Drejtoria e Përgjithshme e Edukimit Fizik dhe Sporteve të Afganistanit konfirmoi se Zaki Anwari, një lojtar nga ekipi kombëtar i futbollit për të rinj, ishte në mesin e qindra të rinjve që u përpoqën të largoheshin nga vendi duke u kapur pas një aeroplani ushtarak amerikan. Anwari ra dhe vdiq.”-shkruhet në një postim në Twitter të Ariana News./Gijotina.com
